ShQO-da 2 jumysshynyń qaza bolýyna qatysty qylmystyq is qozǵaldy

ÓSKEMEN. KAZINFORM – Shyǵys Qazaqstan oblysynda opyrylǵan topyraq astynda qalǵan 2 jumysshynyń qaza bolýyna qatysty polıtsııa is qozǵady.

ShQO Polıtsııa departamenti baspasóz qyzmetiniń málimetine súıensek, QR Qylmystyq Kodeksiniń 156-babyna (Eńbekti qorǵaý qaǵıdalaryn buzý) sáıkes tergeý amaldary júrgizilip jatyr.

- Qazir polıtsııa oqıǵanyń barlyq mán-jaıyn anyqtaý boıynsha tıisti sharalardy qolǵa alǵan. Ózge aqparatty jarııa etýge zań boıynsha tyıym salynǵan, - delingen aqparatta.

Oqıǵany tergeıtin komıssııa qurylyp, onyń tóraǵasy Shyǵys Qazaqstan oblysynyń bas eńbek ınspektory Baqytbek Qızatov boldy.

- Aldaǵy on kún ishinde oqıǵaǵa baılanysty jan-jaqty tergeý júrgiziledi. Qajet bolǵan jaǵdaıda tergeý merzimi 30 kúnge deıin uzartylyp, salalyq sarapshylar tartylady. Qorytyndy materıaldar quqyq qorǵaý organdaryna jáne sot ınstantsııalaryna beriledi, - dedi ol.

Eske salsaq, buǵan deıin ShQO-da jer qazyp jatqanda topyraq opyrylyp, 2 jumysshy qaza bolǵany habarlanǵan.