ShQO-da 2 jasar balanyń ústine qaınaǵan sý toly kirjýǵysh mashına qulap ketti
Shyǵys Qazaqstan oblysy Altaı aýdanynda 2 jasar balaǵa qaınaǵan sý tolǵan kirjýǵysh mashına qulap ketip, denesiniń 79 paıyzy kúıip qaldy, dep habarlaıdy QazAqparat tilshisi.
ShQO Densaýlyq saqtaý basqarmasynyń málimetine súıensek, oqıǵa 26 tamyz kúni Altaı qalasynda bolǵan. Sol ýaqyttan beri dárigerler eki jasar balanyń ómiri úshin kúresip jatyr.
Búldirshin úıde oınap júrip, qaınaǵan sý tolǵan kirjýǵysh mashınany ústine qulatyp alǵan. Sonyń saldarynan basyn, moınyn, denesin, aıaǵy men qolyn termııalyq kúıik shaldy. Jalpy tula-boıynyń 79 paıyzy kúıip qalǵan. Ol sanıtarlyq avıatsııamen shuǵyl túrde Óskemen qalasyna jetkizildi.
«Aýrýhanaǵa jatqyzylǵan kúnnen bastap qazirgi ýaqytqa deıin balaǵa shokqa qarsy jáne detoksıkatsııa terapııasy jasalyp, qan men plazma quıyldy. Sondaı-aq hırýrgtar denesiniń zaqymdalǵan jerleriniń shamamen 35% 4 eselik aýtodermoplastıka (teri egý) jasady. Búginde balanyń jaǵdaıy "turaqty aýyr" dep baǵalanýda», - delingen aqparatta.