ShQO-da 2 myńnan astam balaǵa oqýǵa qajetti qural jabdyqtar berildi

ÓSKEMEN. QazAqparat – Shyǵys Qazaqstan oblysynda 2 myńnan astam balaǵa oqýǵa qajetti qural jabdyqtar berildi, dep habarlaıdy QazAqparat tilshisi.

Óńir boıynsha az qamtylǵan jáne kópbalaly otbasylardan shyqqan mektepke baratyn eki myńnan astam balaǵa oqýǵa qajetti qural jabdyqtar salynǵan sómkeler tabystaldy. Bul «Nur Otan» partııasynyń «Mektepke jol» aktsııasy aıasynda júzege asyrylǵan.

«Partııamyz árqashanda kópbalaly jáne turmysy tómen otbasylardy qoldaıdy. Elimizdiń bolashaǵyn tý etken jastardyń eń basty mindeti – jaqsy bilim alý. Ata-analar men búldirshinderdi kele jatqan 1 qyrkúıek – Bilim kúnimen shyn júrekten quttyqtaımyn», - dedi «Nur Otan» partııasy Shyǵys Qazaqstan oblystyq fılıaly tóraǵasynyń birinshi orynbasary Oleg Chýgýnkov.

Atalǵan shara 10 jyl kóleminde dástúrli túrde uıymdastyrylyp keledi. Oǵan depýtattar, kásipkerler, bastaýysh partııa uıymdarynyń ókilderi jáne belsendi partııa músheleri únemi demeýshilik jasaýda.

Aıta keteıik, «Mektepke jol» aktsııasy aıasynda oblys boıynsha jalpy 100-den asa qaıyrymdylyq sharalary uıymdastyrylady.