ShQO-da 2 aıdyń ishinde 81 mln teńgeniń alımenti tólendi
Oblystyq prokýratýranyń baspasóz qyzmeti jyl basynan beri boryshkerlerden 92 mln teńgeniń alımenti óndirilgenin aıtady. Sonyń 81 mln teńgesi - sońǵy 2 aıdyń enshisinde. Resmı organnyń baspasóz hatshysy Ásel Momynjanovanyń aıtýynsha, bul iste BAQ pen kórneki aqparat arqyly túsindirý jumystary jaqsy nátıje bergen.
«Oblys boıynsha alıment tóleý jáne zań aldyndaǵy jaýaptylyq týraly 26 úgitteý banneri ornatylǵan. Memlekettik mekemelerdiń ǵımarattarynda, avtobeketterde, 66 eldi mekende jadynamalar men plakattar ilindi. Halyq kóp jınalatyn oryndarda alıment tólemeý problemasy týraly dybystyq jáne beıne kórsetilimder qoıyldy. 165 boryshkerge jumyssyz retinde esepke turý qajettigi týraly habarlama tapsyrdyq», - deıdi prokýratýra ókili.
Prokýratýranyń aralasýymen 2 jalǵyzbasty ana jumyspen qamtylǵan.
«Taǵy 2 anaǵa memlekettik qordan baspana berildi. Áleýmettik turǵyda az qamtylǵan 94 otbasynyń 118 balasyna prokýratýra qyzmetkerleri men demeýshiler jınaǵan qarajat esebinen materıaldyq kómek kórsetildi», - deıdi Ásel Momynjanova.
Oblys boıynsha jyl basynan beri 16 boryshkerdiń ústinen alıment problemasy boıynsha 8 ákimshilik, 8 qylmystyq is qozǵalǵan.