ShQO-da 2 adam túrmege tyıym salynǵan zattardy kirgizbek boldy
ShQO boıynsha QAJ departamenti baspasóz qyzmetiniń málimetine súıensek, Óskemendegi OV 156/3 kolonııasyna tyıym salynǵan zattardy kirgizbek bolǵan eki adam ustaldy.
Birneshe ret sotty bolyp, bostandyqqa shykqan azamat temir tordyń arǵy jaǵyndaǵy dostary úshin kóptegen uıaly telefon men aksesýarlardy kirgizbek bolǵan. Ol tyıym salynǵan zattardy mekeme aýmaǵyna laqtyryp jatqan jerinen qolǵa tústi.
Al jas qyz túrmedegi kúıeýine aqsha berýge árekettendi. Alaıda onyń bul oıy iske aspaı qaldy.
«Túzetý mekemesine tyıym salynǵan zattardy kirgizýdiń aldyn alý maqsatyndaǵy jumystar úzdiksiz júrgizilýde. Zańbuzýshylardyń barlyq amal-tásilderi anyqtalyp jatyr. Kolonııa qyzmetkerleri men Ulttyq ulannyń jaýyngerleri árdaıym qyraǵylyqty joǵalpaıdy», - dedi ShQO boıynsha QAJD bastyǵynyń mindetin atqarýshy Qanat Zııanov.