ShQO-da 2 adam sýǵa batyp ketti
ÓSKEMEN. QazAqparat – Shyǵys Qazaqstan oblysynda shomylý maýsymy bastalmaı turyp 2 adam sýǵa ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, kóktem shyǵyp kún jylı salysymen jurtshylyq sý jaǵasyna baryp demalýǵa asyǵady. Jaǵajaılardyń resmı túrde áli ashylmaǵany kópshilikke tosqaýyl emes. Sonyń saldarynan óńirde bıyl 2 adam, onyń ishinde 1 bala sýǵa batyp ketti.
«Adam óliminiń negizgi sebepteri - sý aıdyndaryndaǵy qaýipsizdikti saqtamaý jáne ata-analardyń balany qaraýsyz qaldyrýy. Sý aıdyndarynda qaıǵyly oqıǵalardyń aldyn alý úshin qutqarýshylar men polıtseıler apta saıyn profılaktıkalyq reıdterge shyǵýda. Ózen-sýlarǵa monıtorıng jasap, ásirese ata-analar arasynda túsindirý jumystaryn júrgizýde. Shyǵys Qazaqstan oblysy ákiminiń qaýlysymen óńirde shomylýǵa jáne sportpen aınalysýǵa bolatyn 16 demalys orny anyqtaldy», - dep habarlady vedomstvo ókilderi.
Departament mamandarynyń aıtýynsha, sý aıdynynda bolǵan kezde mas kúıde shomylýǵa, qaıyqtardan, katerlerden sýǵa sekirýge, tekserilmegen jáne jabdyqtalmaǵan jerlerde súńgýge tyıym salynǵan.
