ShQO-da 2 adam otqa oranǵan úıdiń terezesinen shyǵyp úlgerdi
ÓSKEMEN. QazAqparat - Shyǵys Qazaqstan oblysynyń Glýbokoe aýdanyna qarasty Beolýsovka kentinde jer úı órtenip, eki adam terezeni shaǵyp aman qaldy, dep habarlaıdy QazAqparat tilshisi.
Oblystyq tótenshe jaǵdaılar departamentiniń habarlaýynsha, oqıǵa keshe, tús kezinde bolǵan. Úıden qoıý tútin shyqqanyn kórip, kórshileri órt sóndirýshilerge habarlaıdy. Tótenshe jaǵdaı ókilderi kelgenshe kórshileri úıdiń terezesin shaǵyp, ishte qalǵan eki adamdy qutqaryp qalǵan. Keıin úı ıeleriniń mas bolǵany anyqtaldy.
«Biz kelgende ishtegi eki adam tereze arqyly syrtqa shyǵypty. Ekeýi de medıtsınalyq kómekten bas tartty. Al órtti aýyzdyqtaýǵa 2 órt sóndirý bólimi men taý-ken qutqarýshylar jasaǵy jumyldyryldy. Órt aýyz úıden bastalǵan. Erli-zaıyptylar sonyń arqasynda aman qaldy. Qyzyl jalyn 120 sharshy metr aýmaqty qamtydy. Úıden gaz ballony tabyldy. Abyroı bolǵanda ol jarylyp úlgermegen» - deıdi №24 órt sóndirý bóliminiń bastyǵy Meırambek Daıranov.
Órtke elektr qurylǵysynyń aqaýy sebep bolýy múmkin degen boljam bar.
