ShQO-da 185 myńnan astam adam JRVI-men aýyrdy
ÓSKEMEN. KAZINFORM – Shyǵys Qazaqstan oblysynda jiti respıratorlyq vırýstyq ınfektsııaǵa (JRVI) shaldyqqandar sany artyp otyr.
ShQO Sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, óńir boıynsha byltyrǵy kúzden beri 185 099 adam JRVI-men aýyrdy.
- Naýqastar sany aldyńǵy jylǵy sáıkes kezeńmen salystyrǵanda 6 paıyzǵa ósken. Dese de syrqattaný kórsetkishi uzaq merzimdi statıstıkalyq derekter boıynsha jasalǵan baqylaý deńgeıinen aspady. JRVI-men aýyrǵandardyń eń kóbi Óskemen qalasynda (97 828 adam). Ekinshi orynda Glýbokoe aýdany, úshinshi orynda Altaı qalasy tur. Aýyl Marqakól aýdanynda atalǵan ınfektsııaǵa shaldyqqandar sany eń az, - delingen aqparatta.
Sondaı-aq Shyǵys Qazaqstanda tumaýdyń zerthanalyq rastalǵan 43 jaǵdaıy tirkeldi. Bul ótken jyldyń sáıkes kezeńimen salystyrǵanda 4 esege az.
Eske salsaq, buǵan deıin SQO-da tumaýdyń tórt túri taraǵany habarlanǵan.