ShQO-da 180 jer telimi memleketke qaıtaryldy
Toǵyz aıdyń ishinde prokýratýra qyzmetkerleri san túrli salada zańbuzýshylyqtardy anyqtap, júzdegen bassyzdyqtyń jolyn kesken. Mysaly, memlekettik kirister departamenti men qoǵamdyq kólik tasymaldaýshylarynyń arasynda bir jyldan astam ýaqytqa sozylǵan daýdyń sheshilýine prokýrorlyq tekserýdiń nátıjesi yqpal etti. Keıin oblystyq sot kásipkerlerdiń paıdasyna sheshim shyǵaryp, salyq organynyń 3,2 mlrd teńge qosymsha salyq tóletý týraly talabyn negizsiz dep tapqan.
Al eńbek qaýipsizdigi salasynda «Qaztsınk», «Vostoktsvetmet» kompanııalarynyń óreskel qatelikterin anyqtap, oblys boıynsha 1,6 myń zańbuzýshylyqty áshkerelegen. Sondaı-aq, 17 nysannyń jumysy jumysshylar men turǵyndardyń ómirine qaýipti dep tanylyp, jumysy toqtatylǵan.
Tıimdi paıdalanylmaı jatqan jer telimderin memleketke qaıtarý isinde de prokýratýra ókilderiniń aralasýymen seń qozǵala bastady. Bıyl oblystyq prokýratýra ondaı telimderdi memleketke qaıtarýdyń algorıtmin usynǵan bolatyn. Osy algorıtm boıynsha 180 telim memleket menshigine qaıtty.
Al tabıǵat paıdalanýshylar tarapynan 91 zańbuzýshylyq anyqtalyp, bıýdjetke 60 mln teńge aıyppul tólengen. Jalpy prokýratýranyń yqpalymen 9 aıda 1,1 mlrd teńge óndirilip, 2,5 mlrd teńgeniń múlki memleket qazynasyna quıylǵan.
«Jergilikti polıtsııa qyzmetimen birlesip qabyldaǵan sharalardyń arqasynda turmystyq sıpattaǵy kisi óltirý qylmysy 25 paıyzǵa azaıǵan. Jalpy jyl basynan beri oblystaǵy qylmys sany byltyrǵydan 4 paıyzǵa tómendedi. Ásirese jasóspirimder arasyndaǵy qylmys 22 paıyzǵa kemigen. Páter urlyǵy 25 paıyzǵa, uıaly telefon urlyǵy 2 paıyzǵa azaıdy» - delingen oblystyq prokýratýranyń bapasóz qyzmeti taratqan aqparatta.