ShQO-da 18 jastaǵy qyz ózin boqtaǵan ákesin sotqa berdi

ÓSKEMEN. KAZINFORM – Shyǵys Qazaqstan oblysy Tarbaǵataı aýdanynda 18 jastaǵy qyz ózin boqtaǵan ákesin sotqa berdi.

ShQO soty baspasóz qyzmetiniń málimetine súıensek, Tarbaǵataı aýdandyq sotynda QR Ákimshilik quqyq buzýshylyq týraly kodeksiniń 73-baby 1-bóligimen is qaraldy. Belgili bolǵandaı, er adam 23 qańtarda úıde bir bótelke araq iship, óziniń týǵan qyzyna bylapyt sózder aıtqan.

- 18 jastaǵy qyz bul týraly Tarbaǵataı aýdandyq polıtsııasyna habarlady. Tekserý barysynda aıyptalýshynyń «asa aýyr» alkogoldik mas kúıde bola tura, qyzyna janjal shyǵaryp, ádepsiz sózder aıtyp, onyń tynyshtyǵyn buzǵandyǵy anyqtalǵan. Sottyń qaýlysymen er adam kináli dep tanyldy. Ol eskertý túrindegi ákimshilik jaýapkershilikke tartyldy, - delingen aqparatta.

Qaýly zańdy kúshine engen joq.

Eske salsaq, buǵan deıin Jambylda mal urlap, etke ótkizgen qaskóıler 5 jylǵa sottalǵanyn habarlanǵan.