ShQO-da 175 bas maldy urlap ketti
ÓSKEMEN. QazAqparat - Shyǵys Qazaqstanda alty aıdyń ishinde 175 bas mal urlanǵan, dep habarlaıdy QazAqparat tilshisi.
Oblystyq ishki ister departamentiniń deregi boıynsha, urlanǵan maldyń kóbi óristen joǵalǵan.
«Urylar ásirese mal kezegi uıymdastyrylmaǵan aýyldarda qatty qımyldaǵan. Jaılaýdaǵy maldyń qaraýsyz qalýynan da mal jıi joǵalýda. Óriske aıdaǵan malyn aptalap túgendemeıtin adamdar bar. Urylardyń kózine kóbinese osyndaı tabyndar túsedi. Polıtsııaǵa júgingenderdiń keıbiri malynyń qa ýaqytta, qaı tustan joǵalǵanyn da aıtyp bere almaı jatady. Al 5 shilde kúni Semeı qalasynyń Áýezov aýdandyq polıtsııa bólimshesine habarlasqan Qarakól aýylynyń turǵyny 13 qoıyn saqshylarmen birge 9 shaqyrym jerden taýyp alǵan. ıAǵnı, keıbir urlandy degen maldar jaı ǵana alysqa uzap ketip jatady» - deıdi departamenttiń memlekettik til jáne aqparat basqarmasynyń basshysy Aıgerim Nurǵazına.
ShQO polıtsııa qyzmetkerleri malyn jıi túgendep, óriske qaraýsyz jibermeýge shaqyrady.
«Maldy urynyń suǵanaq qolynan saqtaý úshin saqtaýdyń eń ońaı tásili - uıymdasqan kezekke qosý. Ár basta en-tańbanyń bolǵany da izdeýge kóp kómegin tıgizedi», - delingen departament taratqan aqparatta.
Foto: liter.kz
