ShQO-da 16 jastaǵy qyz sýǵa batyp ketti
ÓSKEMEN. QazAqparat - Shyǵys Qazaqstan oblysy Katonqaraǵaı aýdanynda 16 jastaǵy qyz sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 22 shilde kúni 16 jastaǵy qyz Buqtyrma ózenine batyp ketken.
- Buqtyrmanyń sýy sýyq, qatty aǵyndy. Dese de boıjetken soǵan qaramastan shomylǵan. Mine, osynyń sońy qaıǵyly jaǵdaıǵa ákep soqty, - dep habarlady vedomstvo ókilderi.
Osy rette, departament mamandary óńir jurtshylyǵyn sý aıdyndarynda qaýipsizdik erejelerin qatań saqtaýǵa, jabdyqtalmaǵan jerlerde shomylmaýǵa shaqyrady.
