ShQO-da 150-den astam stıhııalyq qoqys orny anyqtaldy
ÓSKEMEN. KAZINFORM — Shyǵys Qazaqstan oblysynda «Taza Qazaqstan» aktsııasy bastalǵaly beri 150-den astam stıhııalyq qoqys orny anyqtaldy.
Óńirde ShQO Polıtsııa departamentiniń qyzmetkerleri men jergilikti atqarýshy organdardyń ókilderinen qurylǵan 16 mobıldi top jumys isteıdi. Olardyń basty mindeti — eldi mekenderdegi tazalyqty saqtaý, abattandyrý erejeleriniń buzylýyna jol bermeý jáne azamattardyń qorshaǵan ortaǵa degen jaýapkershiligin arttyrý.
— Qaldyqtardyń stıhııaly túrde jınalatyn oryndaryn, ásirese iri gabarıtti qoqystarmen tolǵan konteınerlik alańdardy anyqtaýǵa jáne joıýǵa erekshe nazar aýdarylyp keledi. Máselen, taıaýda Óskemen aýmaǵyndaǵy qoqys úıindilerin joıý jumystary júrgizildi. Atalǵan ýchaskelerde iri gabarıtti qaldyqtar tazartyldy, — dep habarlady departamenttiń baspasóz qyzmetinen.
Jalpy, aktsııa bastalǵaly beri Shyǵys Qazaqstanda 155 stıhııalyq qoqys orny anyqtalyp, onyń 130-y jergilikti atqarýshy organdarmen birlesip tolyǵymen joıyldy.
— Budan bólek, bıyl óńirde abattandyrý salasyna qatysty 7 225 ákimshilik quqyq buzýshylyq tirkeldi. Zańnama talaptarynyń buzylýyna yqpal etetin sebepter men jaǵdaılardy joıý úshin jergilikti atqarýshy organdar men zańdy tulǵalardyń atyna 80 usynym engizildi, — delingen aqparatta.
Eske salsaq, osyǵan deıin Óskemende qoqys shyǵarý tarıfi ózgergeni habarlanǵan.
