ShQO-da 147 aýyl kólik qatynasymen durys qamtylmaǵan
ÓSKEMEN. QazAqparat - Shyǵys Qazaqstanda turǵyn sany 100 adamnan asatyn 147 aýyl jolaýshy kólik qatynasymen durys qamtylmaǵan, dep habarlaıdy QazAqparat tilshisi.
Zań boıynsha elimizdegi turǵyn sany 100 adamnan asatyn eldimekenniń barlyǵy jolaýshy kólik tasymalymen qamtamasyz etilýi tıis. Shyǵys Qazaqstanda bul sanatqa jatatyn 587 aýyl bar. Qazir solardyń tek 440-y, ıaǵnı, 75 paıyzy ǵana jolaýshy kólik qatynasymen turaqty qamtylyp otyr. Oblystyq jolaýshy kóligi jáne avtomobıl joldary basqarmasynyń basshysy Nurjan Jumadilov BAQ ókilderine osyndaı derek aıtty.
Memleket aýdanaralyq jáne aýdanishilik kólik qyzmetin sýbsıdııa arqyly qoldap otyr. ShQO-nyń 10 aýdany bul maqsatqa jylyna 144 mln teńge jumsaıdy.
«Osy olqylyqtyń ornyn toltyrý úshin 12 aýdan boıynsha 65 marshrýttyń tizbesi jasaldy. Aýdan ákimderi osy baǵyttarǵa tasymal uıymdastyryp, ony sýbsıdııa arqyly qoldaý joldaryn qarastyrýy tıis. Ázirge bul maqsatqa Aıagóz, Glýbokoe, Jarma, Zaısan, Katonqaraǵaı, Kókpekti, Kúrshim, Tarbaǵataı, Úrjar jáne Shemonaıha aýdandary qarjy bóldi», - deıdi Nurjan Jumadilov.
