ShQO-da 140-tan asa turǵynǵa tabıǵatty lastaǵany úshin aıyppul salyndy
ÓSKEMEN. QazAqparat – Shyǵys Qazaqstan oblysy aýmaǵynda 24 shilde men 30 tamyz aralyǵynda qorshaǵan ortany qorǵaý jáne lastanýdan saqtaý maqsatynda «Taza Qazaqstan» jedel-profılaktıkalyq sharasy ótip jatyr.
Ol ekologııa zańnamasyn buzýshylardy anyqtaýǵa baǵyttalǵan, dep habarlaıdy QazAqparat tilshisi ShQO polıtsııa departamentiniń baspasóz qyzmetine silteme jasap.
Mekemedegilerdiń habarlaýynsha, qazir polıtsııa qyzmetkerleri qala men eldimeken aýmaqtaryn abattandyrý erejelerin buzý, ınfraqurylym, jasyl alqapty joıý jáne zaqym keltirý boıynsha 147 faktini tirkegen.
«Jaqynda Óskemen qalasy Polıtsııa basqarmasynyń qyzmetkerleri kóligine qoqys tıep alyp, bekitilmegen jerge tókken adamdy anyqtady. 36 jastaǵy tártip buzýshy QR ÁQBK 505-baby boıynsha ákimshilik jaýapqa tartyldy», - dedi ShQO PD basshysynyń mindetin atqarýshy Janbolat Káletaev.
ShQO Polıtsııa departamentiniń habarlaýynsha, polıtsııa qyzmetkerleri apta boıy tabıǵatty qorǵaý zańnamasyn, sý aıdyndary men basqa da qorǵaýǵa alynǵan jerlerdegi tártipti buzý oqıǵalaryn tirkeýge alynady.
Foto: ShQO PD
Avtory: Oral Erlanuly
