ShQO-da 14 jyl boıy memleketaralyq izdeýde júrgen qylmysker ustaldy
NUR-SULTAN. QazAqparat – Shyǵys Qazaqstan oblysynda quqyq qorǵaýshylary 2005 jyldan beri memleketaralyq izdeýde júrgen 43 jastaǵy qylmyskerdi ustady, dep habarlaıdy QazAqparat tilshisi oblystyq polıtsııa departamenttiń baspasóz qyzmetine silteme jasap.
«Júrgizilgen keshendi jedel-izdestirý is-sharalarynyń nátıjesinde polıtseıler izdeýde júrgen er adamdy Reseı Federatsııasy Kemerovo qalasynan ustady. Oǵan asa aýyr qylmys jasaǵany úshin izdeý jarııalanǵan bolatyn», - delingen habarlamada.
Tergeý nusqasyna saı, 1996 jyldyń jazynda kúdikti birneshe adamdardan quralǵan toppen sóz baılasyp, kisi óltirgen. Qylmys barysynda olar eki adamǵa pyshaqtap ketken.
«Osy qylmys 2004 jyly ashylyp, asa aýyr qylmysty jasaǵandary úshin úsh kúdikti er adam ártúrli merzimge bas bostandyǵynan aıyrylǵan. Sol ýaqytta qylmystyq istiń tórtinshi fıgýranty Qazaqstan aýmaǵynan boı tasalap ketken. Ol on tórt jyl boıy kórshi memlekette jasyrynǵan. Qazir osy kúdiktini Qazaqstanǵa ekstradıtsııalaý týraly másele sheshilýde», - delingen habarlamada.
