ShQO-da 14 jyl boıy izdeýde bolǵan alaıaq Almatyda ustaldy
ÓSKEMEN. KAZINFORM – Shyǵys Qazaqstan oblysynda alaıaqtyq jasaǵany úshin 14 jyl boıy izdeýde bolǵan áıel Almatyda quryqtaldy.
Belgili bolǵandaı, qylmysker Óskemen qalasy polıtsııa basqarmasynyń krımınaldyq polıtsııa bóliminen uzaq jyl boıy jasyrynyp júrgen.
- 32 jastaǵy áıel alaıaqtyq jasaǵany úshin izdeýde bolǵan. Ol quqyq qorǵaý organdarynan 14 jyl boıy jasyrynyp keldi. Polıtseıler ony Almaty qalasynan tapty. Qazirgi ýaqytta áıel adam sol jaqtaǵy polıtsııa departamentiniń ýaqytsha ustaý ızolıatoryna qamaldy, - dep habarlady ShQO PD baspasóz qyzmetinen.
Aıta keteıik, 2025 jyldyń basynan beri tártip saqshylary izdestirý sharalary barysynda bes qylmyskerdi ustaǵan. Olardyń ekeýi buryn jasaǵan qylmystary úshin izdeýde bolǵan.
Eske salsaq, buǵan deıin kıberpolıtsııa Óskemen, Qaraǵandy qalalarynda telefon alaıaqtaryn ustaǵany habarlanǵan.