ShQO-da 139 medıtsına qyzmetkeri koronavırýs juqtyryp alǵan
ÓSKEMEN. QazAqparat – Shyǵys Qazaqstanda 139 medıtsına qyzmetkeri koronavırýs ınfektsııasyn juqtyryp aldy, dep habarlaıdy QazAqparat tilshisi oblystyq densaýlyq saqtaý basqarmasynyń basshysy Іlııas Muhamedjanǵa silteme jasap.
«Ókinishke qaraı, búginde oblysta 139 medıtsına qyzmetkeri aýrýǵa shaldyǵyp, qazir emdelip jatyr. Bul – medıtsına qyzmetkerlerine júktemeniń artýynyń taǵy bir sebebi. Medıtsına mamandarynyń jetispeýshiligin ýnıversıtetter esebinen jáne emhana qyzmetkerlerin qosymsha tartý arqyly sheshýge tyrysyp jatyrmyz. Medıtsına qyzmetkerleri men bas dárigerlerdiń málimeti boıynsha, olarda koronavırýs ınfektsııasyna shaldyqqan naýqastardy emdeý úshin statsıonarlarda qajetti qor jetkilikti», - dep habarlady oblystyń bas dárigeri onlaın-brıfıngte.
І. Muhamedjannyń atap ótýinshe, Shyǵys Qazaqstanǵa kezeń-kezeńimen gýmanıtarlyq kómek kelip jatyr. Ony Sybaılas jemqorlyqqa qarsy is-qımyl agenttigimen birge óńirdiń barlyq statsıonarlaryna taratýda.
