ShQO-da 1300-den astam oqýshy koronavırýs juqtyrǵan
ShQO Sanıtarlyq-epıdemıologııalyq baqylaý departamentiniń basshysy Qanat Turdıev onlaın formatta ótken baspasóz máslıhatynda koronavırýs ınfektsııasy boıynsha epıdemıologııalyq jaǵdaıdyń turaqty ekendigin aıtty. Óńir boıynsha pandemııa bastalǵaly beri jalpy tirkelgen naýqastar sany – 22846-ge jetken. 30 naýryzda ósim qarqyny táýligine 0,2%-dy qurap otyr.
«Bıylǵy oqý jyly bastalǵaly beri 1334 oqýshy juqpaly dertke shaldyqqan. Olardyń 678-i aýrý belgilerimen, al 656-sy sımptomy joq naýqastar. 974-i qashyqtan bilim alyp jatqandar bolsa, 360 bala kezekshi synyptarda koronavırýs juqtyrdy. Sońǵy aqparattarǵa sáıkes, 1298 oqýshy indetten jazylyp, oqýyn qaıta jalǵastyrýda. Al 35 bala úıde dárigerler baqylaýynda», - dedi Qanat Turdıev.
Onyń aıtýynsha, sońǵy qabyldanǵan qaýlyǵa sáıkes óńirdegi shekteý sharalary 2 sáýirge deıin uzartylǵan. Qujatta jazylǵandaı, qoǵamdyq tamaqtaný obektilerine aptanyń barlyq kúnderi saǵat 07.00-den 24.00-ge deıin jumys isteýge ruqsat berilgen.
«Sonymen qatar 4 toqsannan bastap 300 oqýshyǵa deıingi qalalyq jáne aýyldyq mektep oqýshylary dástúrli formatta oqıdy. Talap boıynsha ár synyptaǵy bala sany 25 adamnan aspaýy tıis. Bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn topta oqýshylardy jeke oqytýǵa ruqsat berilgen. Al kolledjder men joǵary oqý oryndarynyń 1-kýrs stýdentteri úshin shtattyq oqytý jalǵasady», - dedi departament basshysy.
