ShQO-da 13 zańdy tulǵalarǵa arnalǵan halyqqa qyzmet kórsetý ortalyǵy ashylady
ÓSKEMEN. QazAqparat - Shyǵys Qazaqstan oblysynyń 13 aýdany ortalyǵynda zańdy tulǵalarǵa arnalǵan HQKO ashylady. Sondaı-aq 18 mamyrdan bastap Óskemen qalasynda shaǵyn jáne orta bızneske qyzmet kórsetý úshin 4 ortalyq óz jumysyn bastamaq, dep habarlaıdy QazAqparat tilshisi.
Qujattardy qabyldaý sanıtarlyq-epıdemıologııalyq talaptardy saqtaı otyryp, 1414 baılanys ortalyǵy nemese egov.kz saıtyndaǵy arnaıy servıs arqyly júzege asyrylady.
«Azamattarǵa arnalǵan úkimet» memlekettik korporatsııasynyń ShQO boıynsha fılıaly memlekettik qyzmetterdi sapaly jáne tıimdi kórsetý úshin kásipkerlerge qujattarynyń tolyq paketin usynýdy, sondaı-aq halyqqa qyzmet kórsetý ortalyqtarynda maska rejımin saqtaýdy suraıdy. Sanıtarlyq-epıdemıologııalyq normalardy saqtaý maqsatynda fılıal qyzmetkerleri betperde men qolǵap arqyly jumys isteıtin bolady», - dep habarlady ortalyqtyń baspasóz qyzmeti.
Aıta ketý kerek, jeke tulǵalar memlekettik qyzmetterdi egov.kz elektrondy portaly, eGov Mobile mobıldi qosymshasy jáne telegramdaǵy egovkzbot2.0 boty, Facebook jáne Vk áleýmettik jelileri arqyly alýdy jalǵastyrady. Zańdy tulǵalarǵa arnalǵan HQQO-nyń jumys kestesi: dúısenbi-juma aralyǵy 9.00-den 17.00-ge deıin, senbi kúni 9.00-den 14.00-ge deıin.
