ShQO-da 1200 otbasyǵa eresek múgedekter kútimi úshin járdemaqy taǵaıyndalmaq
ÓSKEMEN. QazAqparat - 1200 shyǵysqazaqstandyq otbasy bala kezinen beri І toptyń múgedegi atanǵan eresekterdi kútkeni úshin járdemaqy almaq, dep habarlaıdy QazAqparat tilshisi.
Bul týraly oblystyq eńbek, áleýmettik qorǵaý jáne kóshi-qon departamentiniń basshysy Bolat Sátekov arnaıy baspasóz máslıhatynda aıtty.
«Shildeniń basynda el Prezıdenti Nursultan Nazarbaev «Áleýmettik qamsyzdandyrý máseleleri jónindegi zańnamalyq aktilerge ózgertýler men tolyqtyrýlar engizý týraly» Zańǵa qol qoıǵan bolatyn. Sol ózgerister aıasynda jasy 18-den asqan, bala kezinen І toptyń múgedegi bolyp kelgen jandardyń kútimi úshin járdemaqy tólene bastady. Buryn tek 18-jasqa deıingilerdiń kútimine ǵana tólenip kelgen bolatyn. Múmkindigi sheýteýli bala 18-ge tolǵanmen, onyń kútimi ata-anasynyń moınynda qalady. Zańdaǵy ózgeris osy olqylyqtyń ornyn toltyrdy, - deıdi Bolat Sátekov.
Shyǵys Qazaqstan boıynsha atalmysh sanatqa jatatyn 1200 otbasy bar ekenin anyqtalǵan. 1 shildeden bastap olarǵa kúnkóris mınımýmynyń 1,05 mólsheri kóleminde járdemaqy taǵaıyndalǵan. ıAǵnı, tizimge engen ár otbasyǵa aıyna 29699 teńge tólenedi.
Tıesili járdemaqyǵa ıe bolý úshin osy sanatqa jatatyn otbasylar atalmysh organnyń jergilikti bólimshelerine ótinish berýi tıis. Eger bir otbasyda atalǵan 2 sanatqa jatatyn birneshe adam bar bolsa, árqaısynyń kútimine járdemaqy bólek tólenedi.
Ótinishi pen tıisti qujattardy turǵylyqty mekenjaı boıynsha «Azamattarǵa arnalǵan úkimet» memlekettik korporatsııasyna ótkizýge nemese egov.kz ýeb-portalyna joldaýǵa bolady.
