ShQO-da 12 jasar jetkinshektiń basyna fýtbol qaqpasy qulap ketti
ÓSKEMEN. KAZINFORM — Shyǵys Qazaqstan oblysy Ulan aýdanynda 12 jastaǵy jetkinshektiń basyna fýtbol qaqpasy qulap ketti.
ShQO polıtsııa departamenti baspasóz qyzmetiniń málimetine súıensek, oqıǵa 26 shilde kúni Ulan aýdany Sibe kólindegi demalys oryndarynyń birinde bolǵan.
12 jasar jetkinshek fýtbol qaqpasyna asylyp oınap turǵan.
Sol kezde qaqpa qulap ketip, bala basynan jaraqat alǵan. Medıtsınalyq mekemege jetkizilgen oǵan dárigerler alǵashqy kómek kórsetip, kógergen mańdaıyn tańyp berdi.
Kelesi kúni jetkinshektiń ata-anasy polıtsııaǵa aryz túsirdi.
Alaıda ol boıynsha qylmystyq nemese ákimshilik is qozǵalmaǵan.
Onyń sebebin Ulan aýdandyq polıtsııa bóliminiń bastyǵy Qýanysh Qonjanov túsindirdi.
— Bul — azamattyq quqyqtyq jaýapkershilik. Sondyqtan sotqa aryzdanǵan jón, — dedi ol.
