ShQO-da 12 aýdanda sabaq toqtatyldy
ÓSKEMEN. QazAqparat - Shyǵys qazaqstan oblysynyń 12 aýdany men úsh qalasynda qaqaǵan aıazdyń saldarynan oqýshylar sabaqtan bosatyldy. Qazir tótenshe jaǵdaı qyzmetkerleri kúsheıtilgen rejımde jumys isteýde.
Búgin Óskemen, Semeı, Rıdder qalalary men Glýbokoe, Aıagóz aýdandarynyń mektepterinde birinshi aýysymda oqıtyn 1-9 synyptardyń oqýshylary úshin sabaq bolmady. Al aýa temperatýrasy 35 gradýstan tómendegen Zyrıan, Shemonaıha, Borodýlıha, Jarma, Besqaraǵaı aýdandary men Kýrchatov qalasynda 1-11-synyp oqýshylary, kolledjdiń 1-2 kýrs stýdentteri, Kókpekti, Abaı, Katonqaraǵaı aýdandarynda 1-4-synyp oqýshylary oqýdan bosatyldy.
«Qazgıdromet» mamandarynyń boljamyna súıensek, 22-26 qańtary aralyǵynda oblysta aıaz kúsheıip, túnde aýa temperatýrasy 40 gradýsqa deıin tómendeıdi. Halyqty qulaqtandyrý úshin qazir uıaly telefondarǵa 112-den habarlama jiberilip, oblystyq tótenshe jaǵdaılar departamenti saqtyq sharalaryn kúsheıtti.
«Osyndaı kezde oblys turǵyndarynyń bir-birine qol ushyn bergeni abzal. Kóligi bar adamdar jaıaý júrginshilerge jaqsylyq jasap, olardy baratyn jerine deıin jetkizip tastaýǵa kómek berse deımiz. Óıtkeni jaqsylyq jasaýdy ár adam ózinen bastaý kerek», - deıdi oblystyq tótenshe jaǵdaılar departamentiniń ókili Anastasııa Sklıar.
Tótenshe jaǵdaılar qyzmeti oblys turǵyndaryn aıazdyń beti qaıtqansha alys jolǵa shyqpaýǵa keńes beredi. Al dızelmen júretin kólikter úshin barlyq baǵyttaǵy joldar jabyq.
