ShQO-da 11 jataqhana paıdalanýǵa beriledi
ÓSKEMEN. QazAqparat - 2018-2022 jyldary Shyǵys Qazaqstan oblysynda 11 jataqhana paıdalanýǵa beriledi, dep habarlaıdy QazAqparat altaynews.kz silteme jasap.
Oblys ákiminiń orynbasary Serik Aqtanovtyń aıtýynsha, birneshe qurylystyń jumysy bastalyp ta ketken. Jataqhanalar óńir aýmaǵyndaǵy JOO-lar men kolledj shákirtteri úshin salynady. Onda barlyǵy 4 608 oryn qarastyrylǵan.
Budan bólek aımaqtaǵy jetekshi JOO-lary úshin taǵy úsh nysannyń qurylysy josparlanyp otyr: Sársen Amanjolov atyndaǵy ShQMÝ úshin 600 oryndy, D.Serikbaev atyndaǵy ShQMTÝ-ǵa 500 oryndy, Shákárim Memlekettik ýnıversıtetiniń shákirtterine 500 oryndy stýdentter úıi salynady.
Aıte keterligi, jyl aıaǵyna deıin Semeı qalasyndaǵy elektrotehnıkalyq kolledjdiń 250 oryndyq jataqhanasy ashylady.
