ShQO-da 11 nysan Ashyq jobasynan shyǵaryldy
ShQO Aqparat ortalyǵynyń málimetine súıensek, búgingi tańda óńir boıynsha Ashyq jobasyna 624 nysan qatysýda. Onyń ishinde 80-i test rejıminde jumys istep jatyr. 24 mamyr men 6 maýsym aralyǵynda oblystyń 12 kásipkerinde kelýshilerdi QR kody boıynsha tirkeý júzege asyrylmaǵan.
«Soǵan oraı 11 bıznes ókili eki apta merzimge jobadan shyǵaryldy. Onyń ishinde qoǵamdyq tamaqtaný oryndary, kompıýterlik klýbtar, basseınder, fıtnes ortalyqtar, saýnalar, sport zaldary, demalys jáne kýrorttyq nysandar bar», - delingen habarlamada.
Aıta keteıik, elimizde 26 sáýirde iske qosylǵan Ashyq jobasy bıznes sýbektilerinde koronavırýs ınfektsııasynyń taralý qaýpin azaıtýǵa baǵyttalǵan. Arnaıy jasalǵan qosymsha PTR-diń jalpy bazasymen biriktirilgen. Bul ár azamattyń qaýipti dertke shaldyqqanyn nemese aýyrǵandarmen baılanysta bolǵanyn anyqtaýǵa múmkindik beredi.