ShQO-da 101 myń adam daýys bergen ákimder saılaýynyń qorytyndysy shyqty
25 shildede Shyǵys Qazaqstanda 77 saılaý okrýgi boıynsha aýyl, kent jáne aýyldyq okrýg ákimderiniń saılaýy ótti. Oblystyq saılaý komıssııasynyń tóraǵasy Ersaıyn Nábıevtiń aıtýynsha, okrýgtar boıynsha saılaýshylar tizimine 111 myńnan astam adam engizilgen. Daýys berýge 101 myńnan astam adam nemese 90,9 paıyzy qatysty. Ákim laýazymyna úmitkerler arasynda 232 adam bolǵan. Barlyq 77 saılaý okrýginde ákimder saılandy.
«Onyń ishinde 60 adamdy Nur Otan partııasy, 11 adamdy «Aýyl» halyqtyq-demokratııalyq patrıottyq partııasy, 2 adamdy Adal partııasy jáne Qazaqstannyń «Aq jol» demokratııalyq partııasy men Qazaqstannyń Halyq partııasy bir-bir adamnan usyndy. Budan basqa, ózin-ózi usyný arqyly eki adam saılandy», - dedi Ersaıyn Nábıev.
Aýyl, kent jáne aýyldyq okrýg ákimderin saılaý qorytyndylary týraly habarlamalar aýdandyq saılaý komıssııalarynyń ınternet-paraqshalaryna jarııalanǵan.
