ShQO-da 1000 tonnadan astam pishen órtendi
ÓSKEMEN. QazAqparat - Shyǵys Qazaqstan oblysy Besqaraǵaı aýdanynda 1000 tonnadan astam pishen órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 22 qazanda saǵat 15.43-te Besqaraǵaı aýdanyndaǵy Jandos aýylynyń shetinde jınalǵan 1028 tonna pishen órtengen. Sondaı-aq ot sharýashylyq qora-jaıdyń aǵash qurylymdaryna tarady.
- Qutqarýshylar men ormanshylar oqıǵa ornyna shuǵyl kelip jetken. Birlesken úılesimdi is-qımyldyń arqasynda 788 sharshy metr alańdaǵy órt 23 qazan kúni saǵat 10.10-da sóndirildi. Tilsiz jaýdy aýyzdyqtaýǵa TJD jeke quramynan 8 adam jáne orman sharýashylyǵynan 2 avtotsısterna, 8 qyzmetker, 3 tehnıka jáne 2 traktor jumyldyryldy, - dep habarlady vedomstvo ókilderi.
Aldyn ala málimet boıynsha qyzyl jalynnyń shyǵý sebebi - jem-shópti jınaý kezinde órt qaýipsizdigi talaptaryn saqtamaý.
