ShQO-da 100 keliden astam esirtki saýdalaǵan eki adam sottaldy
QR UQK Shyǵys Qazaqstan oblysy boıynsha departamenti esirtkiniń zańsyz aınalymyna qatysy bar QR azamattary M. Beısembaev pen D. Erejepovtiń zańsyz áreketterin anyqtap, jolyn kesken.
«Atap aıtqanda, 2019 jylǵy 27 naýryzda UQK departamenti ekeýin 82 kg 343 g esirtki ótkizbekshi bolǵan kezde ustady. Odan basqa, D. Erejepovtiń garajynda jáne avtomashınasynda tergeý is-qımyldary keshenin júrgizý barysynda qosymsha 32 kg 228 g marıhýana men 855 g gashısh alyndy. Nátıjesinde jalpy salmaǵy 114 kg 571 g marıhýana men 855 g gashısh tárkilendi», delingen habarlamada.
20 tamyzda Shyǵys Qazaqstan oblysynyń qylmystyq ister boıynsha mamandandyrylǵan aýdanaralyq sotynyń úkimimen M. Beısembaev pen D. Erejepov QR QK 297-baby 3-bólimi boıynsha kináli dep tanylyp, 11 jylǵa bas bostandyǵynan aıyryldy.