ShQO-da 100-den asa kólik qar qursaýynda qalyp qoıǵan

ASTANA. KAZINFORM — Elimizde aýa raıy kúrt nasharlady. Búgin Shyǵys Qazaqstan oblysynyń polıtsııasy 100-den astam kólikti qar qursaýynan alyp shyqty.

Shyǵys Qazaqstan oblysynda soqqan kúshti jel men qarly boran aýa raıynyń kúrt nasharlaýyna ákeldi. Daýyl saldarynan Altaı-Óskemen avtojoly jáne basqa da oblystyq mańyzy bar barlyq trassalar jabyldy.

— 100-den astam kólik jolda qalyp, tabıǵat apatyna tap boldy. Quqyq qorǵaýshylar barlyq júrgizýshiler men jolaýshylardy evakýatsııalap, qaýipsiz aımaqtarǵa jetkizdi. Zardap shekkender joq, — delingen habarlamada.

Tártip saqshylary turǵyndardy 112 qyzmetinen keletin SMS habarlamalardy muqııat qadaǵalap otyrýdy suraıdy. Azamattarǵa aýa raıy turaqtalǵanǵa deıin jolǵa shyqpaýǵa keńes beriledi.

Buǵan deıin «Almaty-Óskemen» avtojolynyń bir bóliginde jol jabylǵanyn habarladyq.