ShQO-da 10 jyldan astam ýaqyt boıy izdeýde júrgen reseılik ustaldy
ÓSKEMEN. QazAqparat – Shyǵys Qazaqstan oblysynda 10 jyldan astam ýaqyt boıy izdeýde júrgen reseılik ustaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary «Іzdestirý» jedel aldyn alý sharasyn ótkizdi.
«Osydan 10 jyldan astam ýaqyt buryn Óskemen qalasynda qaraqshylyq shabýyl jasaǵany úshin izdestirilip jatqan reseılik azamat anyqtaldy. 2009 jyldyń qyrkúıek aıynyń sońynda 34 jastaǵy er adam tanysymen birge dámhananyń mańynda jergilikti turǵynǵa kúsh qoldanyp, uıaly telefonyn tartyp alǵan. Polıtseıler onyń birin quryqtaǵanymen, ekinshisi Reseıge qashyp ketken. Qazir ol qolǵa túsip, tergeý amaldary júrgizilýde», - delingen aqparatta.
Sondaı-aq TMD elderimen birlesken is-shara nátıjesinde taǵy bir izdeýde júrgen qylmysker Reseı Federatsııasynyń Altaı ólkesiniń Barnaýl qalasynda qolǵa tústi.
Oǵan 23 jyl buryn Semeı turǵynyna dene jaraqatyn keltirý faktisi boıynsha qylmystyq is qozǵalǵan edi.
Aıta keteıik, jalpy shara barysynda polıtsııa qyzmetkerleri izdestirilip jatqan 24 adamdy ustady.
