ShQO-da 10 jyl boıy qos azamattyqpen júrgen reseılik anyqtaldy

ÓSKEMEN. QazAqparat – Shyǵys Qazaqstan oblysynda 10 jyl boıy qos azamattyqpen júrgen reseılik anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary Borodýlıha aýdanynda qos azamattyqpen júrgen 67 jastaǵy zeınetkerdi anyqtady. Ol 2012 jyly Reseı Federatsııasy Altaı ólkesinde sol eldiń azamattyǵyn alǵanymen osy kúnge deıin Qazaqstandaǵy qujattaryn paıdalanyp kelgen.

«Belgili bolǵandaı, er adam 10 jylǵa jýyq ýaqyt kórshi eldiń azamaty bola tura QR azamatynyń jeke kýáligin notarıýsqa kórsetip, óziniń jyljymaıtyn múligin satpaq bolǵan. Qazirgi ýaqytta quqyq buzýshy qazaqstandyq qujattardy paıdalanǵany úshin QR ÁQBtK-niń 496-baby 1-bóligine sáıkes 100 AEK mólsherinde aıyppul tóleýge mindetteldi», - dedi oblystyq PD Kóshi-qon qyzmeti basqarmasynyń bastyǵy Erbol Bekpaev.

Sondaı-aq sheteldikten QR azamatynyń jeke kýáligi men pasporty tárkilendi.