ShQO-da 10 sotyq jerdi qansha adam aldy

Memleketten jeke turǵyn úı salý maqsatynda beriletin 10 sotyq jer boıynsha oblystaǵy ahýaldy bilý úshin Kazinform tilshisi ShQO Jer qatynastary basqarmasyna saýalhat joldady. 

— 2025-2026 jyldar kezeńinde oblys boıynsha jeke turǵyn úı qurylysy úshin 420 jer ýchaskesi, onyń ishinde 2025 jyly — 373 jer ýchaskesi, 2026 jyldyń birinshi toqsanynda — 47 jer ýchaskesi berildi. Jalpy 2022 jyly elektrondy kezek bastalǵaly beri Shyǵys Qazaqstanda jeke turǵyn úı qurylysy úshin 1897 jer ýchaskesi berilgen, — dep jaýap berdi basqarma basshysynyń mindetin atqarýshy Oksana Fırsova.

Búginde jeke turǵyn úı qurylysyna jer ýchaskesin alý úshin kezekte 55 401 ótinish tur. 

— Bul berilgen ótinishterdiń ǵana sany. Óıtkeni bir adamnan bir eldi mekenge de, birneshe eldi mekenge de birneshe ótinish túsýi múmkin. Jer úı qurylysy úshin jer ýchaskeleri negizinen oblystyq jáne aýdandyq mańyzy bar qalalarda, atap aıtqanda Óskemen, Rıdder, Altaı, Zaısan jáne Shemonaıha qalalarynda beriledi, — dedi Oksana Fırsova.

Qurylys maqsaty úshin jer ýchaskelerin berý rásimi oblystyq jáne aýdandyq mańyzy bar qalalarynda tolyq avtomattandyrylǵan, qalǵan eldi mekenderde berý rásimi ishinara avtomattandyrylǵan.

— Jeke turǵyn úı qurylysy úshin jer ýchaskelerin berýge sýmen jáne elektrmen jabdyqtaý jelilerimen qamtamasyz etilgen alańdarda ǵana jol beriledi. Al ortalyqtandyrylǵan sýmen jabdyqtalmaǵan eldi mekenderde mundaı jer ýchaskelerin berýge elektrmen jabdyqtaý jelileri bolǵan kezde ǵana ruqsat. Azamattardyń ótinishteri bas josparlarǵa, egjeı-tegjeıli josparlaý jobalaryna sáıkes jer turǵyn úı qurylysy úshin paıdalanylatyn bos aýmaqtar bolǵan kezde qanaǵattandyrylady, — dedi ShQO Jer qatynastary basqarmasy basshysynyń mindetin atqarýshy.

Eske salsaq, osyǵan deıin Almatyda jańa arqan joldardyń qurylysy úshin jer telimderi alynatyndyǵy habarlanǵan.