ShQO-da 10-nan astam shetel azamaty elden shyǵaryldy
ÓSKEMEN. QazAqparat – Shyǵys Qazaqstan oblysynda 10-nan astam sheteldik elden shyǵaryldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, óńir aýmaǵynda «Mıgrant» jedel aldyn alý sharasy bastaldy.
«Sonyń aıasynda arnaıy qurylǵan mobıldi top músheleri zańsyz mıgranttar kirýi múmkin jerlerdi patrýldep, jolaýshylar avtobýstaryn, jeńil jáne júk kólikterdi tekserýde. Budan bólek, shetel azamattaryn jumysqa tartý arqyly salynýy múmkin ǵımarattar, qoǵamdyq tamaqtaný oryndary qadaǵalaýǵa alyndy. Sharanyń alǵashqy kúniniń qorytyndysy boıynsha sottyń sheshimimen 10-nan astam sheteldik elden shyǵaryldy», - delingen aqparatta.
Sondaı-aq 116 azamat ákimshilik jaýapqa tartyldy. 45 úı ıesine sheteldikterdiń bolýy týraly polıtsııaǵa der kezinde habardar etpegeni úshin aıyppul salynǵan.
