ShQO-da 10 mln teńge alıment qaryz ákege izdeý jarııalanǵan
ÓSKEMEN. QazAqparat – Shyǵys Qazaqstan oblysynda alıment tóleýden jaltaryp júrgen er adamnyń qaryzy 10 mıllıon teńgeden asqan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, óńirde alıment tólemeı júrgenderdi anyqtaý úshin birqatar shara atqarylýda.
«19 qazanda Óskemen qalalyq polıtsııa basqarmasynyń kóshi-qon qyzmetine 10 mln teńge mólsherindegi alımentti tólemeı júrgen 45 jastaǵy er adamǵa izdeý salý týraly sot sheshimi kelip tústi. Áıel adam uzaq ýaqyt boıy óziniń kámeletke tolmaǵan balasyna alıment tóleýden jaltarǵan azamatty taba almaı júrgen. Tártip saqshylary 24 saǵat ishinde boryshkerdiń turǵylyqty mekenjaıyn anyqtady. Endi qaryzdy óndirýmen sot oryndaýshylary aınalysatyn bolady», - dep habarlady vedomstvo ókilderi.
Aıta keteıik, kóshi-qon qyzmetiniń polıtseıleri jyl basynan beri izdeý jarııalanǵan 168 adamdy bir táýlik ishinde tapqan.
