ShQO-da 1 tonna balyqty zańsyz aýlaǵandar ustaldy
ASTANA. QazAqparat - Shyǵys Qazaqstan oblysynyń Kókpekti aýdanynda zańsyz balyq aýlaǵan brakonerlerden 1 tonna balyq tərkilendi, dep habarlaıdy «QazAqparat» HAA tilshisi.
ShQO tabıǵı resýrstar jáne tabıǵat paıdalanýdy retteý basqarmasynyń baspasóz qyzmetiniń habarlaýynsha, jedel áreket etý otrıadynyń ınspektorlary brakonerlik áreketterdiń jolyn kesý úshin reıd júrgizgen.
«Reıd barysynda Kókpekti aýdanynyń «Úlgili malshy» ýchaskesinde Samar kentiniń turǵyndary qolǵa tústi. Olar eshqandaı qujatsyz 1071 keli balyqty zańsyz alyp ketip bara jatqan», - delingen basqarmanyń habarlamasynda.
Qazirgi ýaqytta zań buzýshylardyń isi tergelip jatyr.
