ShQO-da 1,5 mln teńge qaryzy bar adam elordada poıyzdan túsirildi
ÓSKEMEN. QazAqparat – Shyǵys Qazaqstan oblysyndaǵy jeke kásipkerge 1,5 mln teńge qaryzy bar er adam elordada poıyzdan túsirildi, dep habarlaıdy QazAqparat tilshisi.
Tarbaǵataı aýdandyq polıtsııa bólimi kóshi-qon qyzmetiniń mamandary «Mıgrant» jedel aldyn alý sharasy barysynda jeke kásipkerge 1 500 000 teńge qaryz bolǵan 28 jastaǵy er adamdy tapty.
«Jedel-izdestirý sharalaryn júrgizgen qyzmetkerler boryshkerdiń Nur-Sultan qalasynan Shymkentke deıin bılet satyp alǵanyn anyqtady. 9 jeltoqsanda elordadaǵy temirjol vokzalynda ol poıyzdan shyǵaryldy. Endi qaryzdy óndirip alýmen sot oryndaýshylary aınalysady», - dep habarlady ShQO Polıtsııa departamentiniń baspasóz qyzmeti.
Osy rette, kóshi-qon qyzmetiniń mamandary atqarýshylyq qujatty oryndamaǵan adamnyń QR ÁQBtK-niń 669-baby jáne QR QK-niń 139-babyna sáıkes jaýapqa tartylatynyn eskertedi.
