ShQO: bıýdjetten 77 mln teńgeni merdigerge negizsiz aýdarǵan basqarma basshysy sottaldy

Shyǵys Qazaqstan oblysynda bıýdjetten 77 mln teńgeni merdigerge negizsiz aýdarǵan Qurylys, energetıka jáne turǵyn úı-kommýnaldyq sharýashylyq basqarmasynyń burynǵy basshysy sottaldy, dep habarlaıdy QazAqparat tilshisi.

Óskemen qalalyq №2 soty baspasóz qyzmetiniń málimetine súıensek, eks-sheneýnikke qatysty QR QK-niń 361-baby 4-bóliginiń 3-tarmaǵymen qylmystyq is qaraldy.

Belgili bolǵandaı, Shyǵys Qazaqstan oblystyq Qurylys, energetıka jáne turǵyn úı-kommýnaldyq sharýashylyq basqarmasynyń basshysy laýazymyn atqarǵan O. esimdi azamat mamandandyrylǵan HQO qurylysyna qatysty oryndalǵan jumys pen jetkizilgen jabdyqtar jaıly shyndyqqa sáıkes kelmeıtin málimetter jazylǵan qabyldaý-tapsyrý aktisine qol qoıǵan. Osylaısha, merdigerdiń shotyna bıýdjetten 77 mln teńge esh negizsiz aýdaryldy.

«Sot aıyptalýshynyń óz kinásin moıyndaǵanyn, memleketke keltirilgen materıaldyq shyǵyndy tolyqtaı ótegenin, 4 balasynyń baryn eskerip, oǵan 3 jylǵa bas bostandyǵyn shekteý jazasyn taǵaıyndady. Úkim áli zańdy kúshine engen joq», - delingen aqparatta.