ShQO boksshylary Reseıde top jardy
ÓSKEMEN. QazAqparat - Shyǵysqazaqstandyq jas boksshylar halyqaralyq jarysta júldeger atandy, - dep habarlaıdy QazAqparat tilshisi.
Reseıdiń Novovsibir qalasynda ótken Aleksandr Nevskıı atyndaǵy kýbok jarysyna 19 ben 22 jas aralyǵyndaǵy 100-ge tarta sportshy qatysty.
ShQO dene shynyqtyrý jáne sport basqarmasynyń baspasóz qyzmetiniń habarlaýynsha, oblystyń atynan barǵan 12 boksshynyń beseýi altyn, úsheýi kúmis jáne úsheýi qola medal enshilegen. Atap aıtsaq, 49 kelide Maǵjan Shaıhymuratov, 52 keli salmaqta Tilek Qadyrhanov, 64 keli salmaqta Іlııas Mırhatuly, 81 kelide Tımýr Erjanov jáne 91 kelige deıingi salmaqta Daryn Berikjanov jarystyń eń bıik satysyna kóterildi.
Al, 49 kelide Aıbek Rymbekuly, 60 kelige deıingi salmaqta Beknur Ojanov jáne 75 kg salmaqta Áset Slıambekov kúmis medal aldy. Qola medel 56 keli salmaqta Maqsuthan Zaryqhanovqa, 60 keli salmaqta Naýryzǵalı Nurmuhametovke jáne 64 keli salmaqta Saıat Muratbekovke buıyrdy.
Foto: www.sports.kz
