ShQO Bilim basqarmasyna jańa basshy taǵaıyndaldy

ÓSKEMEN. KAZINFORM — Shyǵys Qazaqstan oblysy Bilim basqarmasynyń basshysy laýazymyna Qýat Oqasov taǵaıyndaldy. Ol buǵan deıin Ulan aýdany ákiminiń orynbasary bolǵan. 

Qýat Barysuly 1969 jyly 12 mamyrda Shyǵys Qazaqstan oblysy Ulan aýdany Asýbulaq aýylynda dúnıege kelgen. S. Amanjolov atyndaǵy Shyǵys Qazaqstan memlekettik ýnıversıtetinde «Dúnıejúzi tarıhy» mamandyǵy boıynsha joǵary bilim alǵan.

Eńbek jolyn 1986 jyly «KrasnoAltaıskıı» sovhozynda tas qalaýshy bolyp bastaǵan. 1991-1992 jyldary «Aıqyn» kooperatıvinde qurylysshy boldy. 
1997 jyldan 2010 jylǵa deıin túrli mektepte muǵalim, dırektor bolyp eńbek etti.

2010-2011 jyldary Ulan aýdanynyń pedagogıkalyq qyzmetkerleri kásipodaq komıtetiniń tóraǵasy qyzmetin atqardy. 

2011-2021 jyldary Ulan aýdany boıynsha bilim, dene shynyqtyrý jáne sport bólimi basshysynyń orynbasary, bólim basshysy laýazymdarynda jumys istedi. 
2021 jyldan osy ýaqytqa deıin Ulan aýdany ákiminiń orynbasary boldy.

Eske salsaq, osyǵan deıin Qorǵanys mınıstrligi Aqparat jáne kommýnıkatsııalar departamentiniń bastyǵy aýysqany habarlanǵan.