ShQO birneshe aýdanynda ekinshi aýysymdaǵy oqýshylar onlaın oqıdy

ÓSKEMEN. QazAqparat – Shyǵys Qazaqstan oblysyndaǵy birneshe aýdanda ekinshi aýysymdaǵy oqýshylar mektepke barmaıdy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oblystaǵy keıbir qala, aýdanda ekinshi aýysymdaǵy oqýshylar aıazǵa baılanysty úıden bilim alady.

«Atap aıtqanda Altaı, Glýbokoe, Samar, Katonqaraǵaı, Kúrshim aýdandarynda 1-11 synyp, Rıdder qalasynda 1-den 9-ǵa deıingi, Óskemende 1-4 synyp oqýshylary qashyqtan bilim alady. Al Tarbaǵataı aýdany boıynsha balalar 28 mektepte onlaın, 1 mektepte shtattyq rejımde oqıdy», - delingen aqparatta.

Eske salsaq, búgin tańerteń Óskemende mektep oqýshylary qashyqtan oqyǵany habarlanǵan bolatyn.

Ashyq kózderden alynǵan foto