ShQO bazarlarynan álemdik brendterdiń atyn jamylǵan ónimder tabyldy
ASTANA. QazAqparat - Shyǵys Qazaqstan bazarlarynda MacCofee, Starline, Іkea brendterin jamylǵan kontrafakt taýarlar satylyp kelgen. Oblystyq ádilet departamenti álemdik brend ıeleriniń avtorlyq quqyǵyn buzyp, plagıat ónim satqan birneshe adamǵa aıyppul saldy, dep habarlaıdy QazAqparat.
Jasandy ónimderdiń kóbin MacCofee shaılary men Starline dabyl qurylǵylary, Іkea jıhazdary men motor maılary quraǵan.
Ótken 12 aıdyń ishinde osy tektes 10 quqyqbuzýshylyq anyqtalsa kerek. Barlyq oqıǵalar boıynsha ákimshilik is qozǵalyp, 907 myń teńgeniń aıyppuly tólenipti.
Ádilet mamandarynyń aıtýynsha, bul tek avtorlyq quqyǵy buzylǵan kompanııa ókilderiniń shaǵymynan keıin anyqtalǵan jaǵdaılar kórinedi.
«Bizge avtorlyq quqyǵy buzylǵan fırmalardyń barlyǵy júgine bermeıdi. Kóbi ol jóninen beıhabar. Tipti álemge aty áıgili óndirýshiler úshin bul sondaı bir shyǵyn da bolmaýy múmkin. Biraq, eki ortada jasandylyqqa aldanǵan qarapaıym halyq sapasyz ónim tutynyp, zardap shegedi, - deıdi departament basshysy Erlan Daýylbaev.
