ShQO Bas memlekettik sanıtarııalyq dárigeriniń qaýlysyna ózgerister engizildi
ÓSKEMEN. QazAqparat - Shyǵys Qazaqstan oblysynyń Bas memlekettik sanıtarııalyq dárigeriniń mindetin atqarýshy 2021 jylǵy 30 qańtardaǵy №3 qaýlysyna kelesi ózgerister engizildi.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy .
«Shyǵys Qazaqstan oblysynyń aýmaǵynda shekteý sharalary 2021 jylǵy 14 aqpannan 27 aqpanǵa deıin uzartylady;
meshitterde adam sany 30%-ǵa deıin bolǵanda, biraq 100 adamnan aspaǵan kezde namaz oqýǵa (bes namaz), ujymdasyp qulshylyq etýge ruqsat berilgen. Sondaı-aq, syıymdylyǵy 150 adamǵa deıin, toltyrylýy 25%-dan aspaıtyn aýyldyq jerlerde ornalasqan meshitterde ǵana juma namaz ótkizýge ruqsat berilgen;
oblys turǵyndary maska rejımin ustanýdy jalǵastyrý qajet. Qaýlyda medıtsınalyq nemese matadan tigilgen maskalardy durys kııý talaptary naqty kórsetilgen: maska muryndy, aýyzdy jáne ıekti jaýyp, shetteri betke tyǵyz janasýy jáne bekitilýi tıis;
qaıta áleýmettendirý jáne beıimdeý ortalyqtaryna, sondaı-aq densaýlyq saqtaý uıymdaryna májbúrlep emdeýge túsetin, turǵylyqty jeri joq adamdar COVID-19-ǵa PTR ádisimen zerthanalyq tekserýlerden ótetin bolady»,-delingen habarlamada.
