ShQO bas ekology qamqorlyǵy úshin kásipkerlerden birneshe ret para aldy dep aıyptalyp otyr

ShQO ekologııa departamentiniń basshysy jemqorlyq jasady degen kúdikke ilindi, dep habarlaıdy Kazinform Antıkorǵa silteme jasap. 

Shyǵys Qazaqstan oblysynyń sybaılas jemqorlyqqa qarsy qyzmeti UQK departamentimen birge ózara is-qımyl negizinde jedel izdestirý is-sharasyn ótkizdi.

Nátıjesinde oblystyń ekologııa departamentiniń basshysy áshkere boldy. 

«Ol qatty paıdaly qazbalardy barlaý kezinde qorshaǵan ortaǵa emıssııalaýǵa ruqsat etkeni jáne jalpy qamqorlyǵy úshin kásipkerlik sýbektilerinen birneshe ret para aldy dep aıyptalyp otyr. Tergeý sotynyń sanktsııasymen kúdikti qamaýǵa alyndy» deıdi Antıkordan.

Sotqa deıingi tergeý jalǵasyp jatyr. 

Qylmystyq-protsestik kodekstiń 201-babyna sáıkes ózge aqparat jarııalanbaıdy.