ShQO: Balany qutqaram dep sýǵa ketken eki jigittiń biriniń denesi tabyldy
ÓSKEMEN. QazAqparat - Kúrshim aýdanynda sýǵa ketken er adamdardyń biriniń denesi tabyldy, dep habarlaıdy QazAqparat tilshisi Shyǵys Qazaqstan oblystyq Tótenshe jaǵdaılar departamentine silteme jasap.
Eske sala keteıik, 29 shilde kúni 1982 jyly týǵan jáne 1999 jylǵy eki jigit Qara Ertis ózenine batyp bara jatqan balany qutqarmaq bolyp, ózderi de sýǵa batyp ketken bolatyn. Sol kúnnen beri polıtseıler men jergilikti turǵyndar baryn salyp olardyń denesin izdeýge kirisken. 2011 jyly týǵan balanyń denesi 1 tamyz kúni tabyldy, al jigitterden habar bolmaǵan.
Keshe sýǵa ketkenderdi izdeýge polıtsııa qyzmetkerlerimen qosa 60 jergilikti turǵyn shyqqan. Er adamnyń denesi tabyldy, al 1999 jylǵy jigitti izdeý jumystary áli jalǵasyp jatyr.
