ShQO balabaqshalarynda elektrondy kezek júıesi engiziledi

ÓSKEMEN. QazAqparat - Jańa oqý jylynan bastap balalar mektep dápterin alýǵa mindettelmeı, balabaqshalarǵa elektrondy kezekke turý júıesi engiziledi. Bul týraly Aımaqtyq kommýnıkatsııalar qyzmetinde ótken baspasóz máslıhatynda ShQO bilim basqarmasynyń basshysy Saırangúl Jumadilova málim etti, dep habarlaıdy QazAqparat tilshisi.

«Eger buryn dápterdi satyp alý mindetti bolsa, bıyl ony buıryqtan tolyǵymen alyp tastady. Dápterler oqý kezinde qosymsha nemese kómekshi qural retinde qoldanylady. Mine, sondyqtan, mektepter ata-analardy dápter satyp alýǵa mindettemeýi kerektigin atap ótkim keledi», - dedi ShQO bilim basqarmasynyń basshysy.
 

Baspasóz máslıhatynda Saırangúl Jumadilova aımaqtyń jańa oqý jylyna daıyndyǵy týraly da aıtyp berdi. Onyń habarlaýynsha, bilim berýdiń jańartylǵan mazmunyna sáıkes, óńir muǵalimderiniń 80 paıyzy qazirdiń ózinde arnaıy daıarlyqtan ótip, qalǵan 20 paıyzy 2020 jylǵa deıin kýrstan ótýi kerek.

Mektepke deıingi mekemeler týraly sóz qozǵaǵan vedomstvo basshysy jyl sońyna qaraı oblystyń barlyq balabaqshalaryna joldamany avtomatty túrde alýǵa bolatynyn aıtty. Bul jemqorlyqqa qatysty múmkindikterdi túbirimen joımaq.

Qazirgi ýaqytta balabaqshalarda avtomatty túrde joldama berý júıesi Óskemen, Semeı, Kýrchatov jáne Rıdder qalalarynda júzege asyrylyp jatyr.