ShQO Aıagóz aýdanyndaǵy mektepterde 1800 oryn jetpeıdi
ÓSKEMEN. QazAqparat - Aıagózde «Nurly jol» baǵdarlamasynyń aıasynda eki mektep salynyp jatyr. Onyń biri tapsyrýǵa daıyn tursa, ekinshisin kelesi jyly ashý josparlanyp otyr, dep málimdedi óńir ákimdiginiń baspasóz qyzmetinen «QazAqparat» HAA tilshisine.
600 oqýshyǵa arnalǵan mektep-lıtseıdiń qurylysy byltyr bastalǵan. Merziminen buryn bitip jatqan mıllıard teńgeniń nysany qazan aıynyń aıaǵyna qaraı paıdalanýǵa tapsyrylady. Qazirgi kezde Aıagózdegi orta bilim berý mekemelerinde jalpy 1800 oryn jetpeıdi. Osy máseleni ishinara sheshý úshin kóktemde bastaýysh synyptardyń 500 oqýshyǵa arnalǵan aralas mektebi ashylǵan bolatyn.
«Aıagóz aýdany óńirdiń basqa aýdandarynan bilim berý sapasy men oqytýshylar biliktiliginiń joǵarylyǵymen erekshelenedi. Mysalmen aıtqanda, elimizdegi UBT-ny 138 balǵa tapsyrǵan 8 balanyń ekeýi - osy jerdiń týmasy. Osy mektepterdiń ashylýy oryn jetispeýshiligi máselesin sheshe alady. Taǵy bir aıta ketetin jaıt, bıyl biz «Týǵan mektep» jobasyn qolǵa aldyq. Ol 3 mıllıard teńgege óńirdiń búkil mektepterine qajetti qural-jabdyqtardy satyp alý múmkindigin beredi», - deıdi Shyǵys Qazaqstan oblysynyń ákimi Danıal Ahmetov.
600 oqýshyǵa arnalǵan taǵy bir mekteptiń ashylýy Aıagózde úsh aýysymda oqytý qajettiligin túbegeıli joıady.
