ShQO avtojolynda kólikterdiń soqtyǵysýynan bes adam qaza boldy
ASTANA. 1 sáýir. QazAqparat - Jeksenbi kúni saǵat 16.00 shamasynda Shyǵys Qazaqstan oblysynda Almaty-Óskemen kúre jolynyń 918-inshi shaqyrymynda eki «Toıota» kóligi soqtyǵysty, dep habarlady QR TJM-nan.
Jol apaty saldarynan 37 jáne 28 jastaǵy eki júrgizýshi men 66, 55 jáne 41 jastaǵy úsh jolaýshy oqıǵa ornynda kóz jumdy; taǵy tórt adam, sonyń ishinde 10 jasar bala túrli jaraqattarmen aýrýhanaǵa jetkizildi.
Jol-kólik oqıǵasynyń ornyna «Shyǵys óńirlik aeromobıldi shuǵyl-qutqarý jasaǵy» memlekettik mekemesi (4 adam men 1 tehnıka) men ShQO Jarma aýdanynyń tótenshe jaǵdaılar bólimi (1 adam men 1 tehnıka) shyqty.
