ShQO aýyldarynda jyl sońyna deıin 4 myń adam aýyz sýmen qamtylmaq
ShQO energetıka jáne TÚKSh basqarmasynyń málimetine súıensek, óńir aýmaǵynda eldi mekenderdi aýyzsýmen qamtý úshin birqatar joba júzege asyrylýda. Sondaı-aq sýmen jabdyqtaý men sý burýdy qaıta jańartýǵa 8,2 mlrd teńge bólingen.
«Aýyldardy sýmen jabdyqtaýǵa qatysty 12 jobaǵa 3,6 mlrd teńge bólindi. 1 joba boıynsha Rıdder qalasynyń ákimdigimen konkýrstyq rásimder jarııalanǵan joq. Al 5 jobada merdigerlik uıymdarmen sharttar jasaldy. Qalǵandarynda merdigerlik uıymdy anyqtaý úshin konkýrstyq rásimder júrgizilýde», - delingen aqparatta.
Bıyl máresine jetetin jobalardyń nátıjesinde aýyldarda turatyn 4 myńnan astam adam sapaly aýyzsýmen qamtylmaq.
«Jyl basynan beri oblys boıynsha aýyzsýǵa qoljetimdilik 98,3%-dy qurady. Josparlanǵan sharalardyń qorytyndysy boıynsha óńir halqynyń aýyzsýmen qamtylý kórsetkishi 2023 jyldyń sońyna qaraı 98,8%-dy quraıdy», - delingen habarlamada.