ShQO aýrýhanalaryndaǵy naýqastar qalaı tamaqtanýda
ÓSKEMEN. QazAqparat – Shyǵys Qazaqstan oblysynda aýrýhanalardaǵy naýqastardyń qalaı tamaqtanatyndyǵyna monıtorıng júrgizildi, dep habarlaıdy QazAqparat tilshisi.
«Shyǵys – Adaldyq alańy» jobalyq keńsesiniń basshysy Marjan Baqyt Óskemendegi Ana men bala ortalyǵyna, №1 qalalyq emhanaǵa jáne Shyǵys Qazaqstan oblystyq aýrýhanasyna baryp, emdelýshilerge beriletin tegin tamaqtyń sapasyn tekserdi. Búginde emhanalardaǵy perzenthana men hırýrgııa, kardıohırýrgııa bólimindegi patsıentterge 3 ýaqyt, al COVID-19 vırýsyn juqtyrǵan naýqastar men dárigerlerge 4 ýaqyt tamaq beriledi.
«Ár ýaqytta ázirlengen tamaqtar birinshi kezekte tekseristen ótedi. Nátıjesinde sapaly ónimderden daıyndalǵan taǵamdar tutynýǵa usynylady. Osy maqsatta jobalyq keńse jetekshisi Marjan Bahyt aýrýhana basshylarymen jáne emdelip jatqan patsıenttermen áleýmettik qashyqtyqtyq pen sanıtarlyq talaptardy saqtaı otyra, tikeleı kezdesip, as máziri men qoldanylatyn ónim sapalaryna jáne oǵan bólinetin qarjynyń tıimdi ıgerý barysyna qoǵamdyq monıtorıng júrgizdi. Atalǵan másele jobalyq keńseniń basty nazarynda bolyp, qoldanylatyn ónimder men ıgeriletin qarjylarǵa monıtorıng jumystary kúsheıtiletin bolady», - dep habarlady ShQO ákiminiń baspasóz qyzmeti.
Aıta keteıik, qoǵamdyq monıtorıng jumystaryn óńirdiń barlyq qala-aýdandaryndaǵy «Adaldyq alańy» jobalyq keńseleri jalǵastyrýda.
