ShQO aýrýhanalarynda jarty mıllıonnan astam dári-dármek qory bar
ÓSKEMEN. QazAqparat – Shyǵys Qazaqstan oblysyndaǵy medıtsınalyq mekemelerde jarty mıllıonnan astam dári-dármek qory bar, dep habarlaıdy QazAqparat tilshisi.
«Óńirdegi barlyq aýrýhanalarda naýqastarǵa medıtsınalyq kómek kórsetý úshin dárilik preparattar qory jetkilikti. Atap aıtqanda, 144 myńnan astam ystyq túsiretin jáne 65 myń vırýsqa qarsy dári, sondaı-aq 300 myńnan astam antıbıotık bar. Budan bólek, oblysqa kóptegen elderde qoldanylyp júrgen japon ǵalymdary ázirlegen «Favıpıravır» preparaty ákelindi», - dedi ShQO óńirlik kommýnıkatsııalar qyzmetinde onlaın formatta ótken baspasóz máslıhaty barysynda oblystyq Densaýlyq saqtaý basqarmasynyń ókili Asqar Horoshash.
Onyń aıtýynsha, dári-dármektiń bul qory aýrýhanalardaǵy tósek-oryn tolǵan kezde patsıentterge 1 aı boıy kómek kórsetý úshin jetkilikti.
«Sonymen qatar joǵary suranysqa ıe dári-dármekter men jeke qorǵanys quraldarynyń turaqtandyrý qory quryldy. Oblystyń barlyq medıtsına qyzmetkerleri indetke qarsy kostıýmderdiń, maskalardyń, respıratorlardyń jáne qolǵaptardyń 60 kúndik qorymen qamtamasyz etilgen», - dedi Asqar Horoshash.
